خواطر إيمانية ميلادية

• بقلم: أ. رانيا نادي

1/8/2024 12:00:00 AM

كتير بدور على الارشاد ....... ادور مش بلاقي في حد حي او حتى مات
كل واحد في حالة وبيني وبينه مسافات ....... وحد تانى نفسه محتاج الحكمة والزاد
بتعانى يا نفسي من الحيرة وقله التدبير ....... تعبتى من الجري والمشي الكتير
لو حد قادر كان ساعد نفسه ....... وفى وسط الخطر والالم كان فدا ابنة
بدور في عيون الناس على حد يفهمني ....... وبستني في الألم حد يرفعني
ومين ممكن يحس بي ويحبني اكتر من نفسه ....... غير اللي قدم وبذل نفسه بدل نفسي
ياللى بذلت الابن عشانى ....... وخلقت في روحي روحك جوايا
في ميلادك أعلنت على الارض السلام ....... وفى حياتك كنت تجول تصنع سلام
------- وفى قيامتك وصعودك قولتلى سلام -------
قولتلى سلام يفوق العقول....... سلام للي يطلب. سلام لا يزول
طب ليه ادور ولحد امتى التمس معين ....... وانا جوايا الروح القدس الكامل الأمين
اللي يسند واللي يساعد وسط الانين ....... اللي يرفع وشايل لىً كتير من سنين
طب ليه شكلي عايش تايه ووحيد ....... بدور وسط الناس ع السنيد
ياروح الله اللي جوايا فوقني ....... صحينى من غفلتي ارفعنى واسندني
سمعني صوتك اللي نسيت ملامحه ....... ورينى نورك اللي يشفى القلب من جرحه
اصحي يا نفسي وفوقي شوية ....... قومي من خوفك وروحك المحنية
ولحد امتى هلتمس السلام ....... وانا جوايا رب السلام
هللويا الرب معايا ....... افرحى يا نفسي وغنى يا هنايا
انا الابن انا المفدى ....... انا اللي فىً الروح المحيي
عنده الشبع عنده السلام ....... عنده النصرة فوق الالام
انا اللي متشاف بعين النعمة ....... انا اللي مغمور في الخير والرحمة
آن الأوان تديني اللي شايلة لي ....... النصرة والقوه والمسرة الحقيقة