نفحات إجتماعية

• بقلم: ش. أميرة عزمى

7/21/2025 12:00:00 AM

* ٱخر ناس بنفكر نشعرهم بالتقدير والإمتنان
* هما الناس اللي علمونا طول الطريق اللي فهمونا الصح من الغلط اللي شكلوا في شخصياتنا
* ومش بنفتكر غير الناس اللي بيسلونا اللي بيقولوا الكلام اللي عايزين نسمعوا اللي بيطبلوا لينا
* عايزة اقول أننا نتاج أب وأم علمونا نتاج خدام أهتموا
* أننا نعرف ربنا
* كانوا بيعملوا قبل ما يعلموا
* أفتكروا أن أكثر شئ مؤلم وبيوجع للمعلم اللي تعب معانا هو عدم التقدير والإحترام
* لما بيسألوك مين أثر في شخصيتك تنسى المعلمين الحقيقيين
* وندور على اللي للعبوا بمشاعرنا وبأخلاقنا وعلى اللي علمونا أن الشخصية هي أنك تتحدى اللي رباك وتكسر كلامه لمجرد إثبات الذات
-------------------------------------------------------------------------------------------------------------
* دايما الشخص اللي بينصح دمه تقيل ورخم وحشري وفي كل الصفات الوحشه
* الا أنه ممكن يكون بيحبك وعايز خيرك ومصلحتك
* يا ريت لما حد ينصحك تسمع وتفهم وتوزن الكلام
* وانت حر اذا كنت تنفذ النصيحه ولا لا بس اسمع لأن أكيد النصيحه لمصلحتك وخاصه لو جايه من حد قريب منك وبيحبك
* وفي النهايه أنت اللي هتحصد إختيارك